De acordo coas normas de convivencia aprobadas pola xunta xeral da comunidade, cada vivenda ten dereito a aparcar un coche nos aparcamentos da comunidade, ata completar a capacidade.
Este dereito pódese ceder pola persoa titular a outras persoas, co límite sinalado dun só vehículo por vivenda.
Recentemente alguén deixou notas anónimas, baixo o seu criterio particular, que, pola reiteración, resultaron especialmente molestas para outras persoas que exercían correctamente os seus dereitos.
Debido a isto, solicitamos que quen queira realizar accións deste tipo comprobe antes se resultan correctas segundo as normas de convivencia, que poden consultarse na web da comunidade:
Así mesmo, consideramos que as notas anónimas degradan a convivencia, polo que recomendamos, se se quere dicir algo, que se faga co nome e algún xeito de contacto, ou ben a través do equipo directivo.
28/9/2023 – A xunta directiva