A empresa solicitou da directiva a conformidade para empezar os traballos. Por consello do asesor xurídico, solicitamos que se nos facilitase o nome da empresa que se ía encargar a renovación da pintura. O responsable de Baumit quedou o xoves, 4 de outubro, en facilitarnos os datos (nome, enderezo e CIF), pero non o fixo. Insistimos o venres e quedou de novo en envialos axiña, pero tampouco tivemos noticia.
Despois de varias postergacións por parte da empresa, o día 4 de decembro o representante de Baumit aduciu que non podían executar os traballos debido á chuvia. Como neste tempo houbo períodos secos, o equipo directivo decidiu prorrogar o prazo só ata que o asesor xurídico da comunidade poida preparar a demanda xudicial.